今期共有1則新特別通告
今期共有12則新通告
今期共有1則新通告
各位會員，2024年5月1日(星期三)為勞動節公眾假期，各單位休息。敬請留意。
各位會員，我係服務中心經理阿康。服務中心原定於5月11日(星期六)舉行大型聯區旅行活動，由於得知其他視障機構於同日進行籌款活動，為避免重蹈上年度本會與其他視障機構相撞大型活動的情況，本會更希望能攜手與不同機構發揮互助精神，服務更多視障會員。因此，我們鼓勵各會員及義工可多多支持不同視障機構的服務和籌款工作，共同創造更好的服務環境。而原定舉行了大型聯區旅行活動亦將會順延舉行，詳情請留意日後的通告。多謝大家支持。
我哋既照顧者支援服務目的，主要促進家庭成員之間的和諧關係，透過個案輔導及不同小組、社交康樂活動，紓援照顧者的壓力 照顧者定義 如果你日常需要照顧視障人士，不論你本身是否視障人士，而你又正承擔照顧視障人士任務及面對照顧路上的身心壓力，就已有機會成為我們的照顧者支援服務對象了 照顧責任包括 1. 協助個人日常護理、例如扶抱、沐浴、傷口護理等等 2. 協助社區生活，例如出外購物、煮食、乘坐交通工具等等 3. 情緒支援 詳情如有查詢，歡迎致電27600100同中心職員IRIS聯絡。
經過幾次射擊體驗班之後相信唔少會員對射擊都多左認識，其實射擊更加係奧運項目，今次我地就會好似運動員咁，搵教練實實在在咁去訓練大家射擊，嘗試組成一隊視障槍隊。 活動會5月7、14、21、28日(逢星期二)，共4堂。活動時間係下午1點半至4點，地點會係油塘四山街22號美塘工業大廈-Shooting Workshop SWS 舉行，我地就會係下午1點半係油塘站A出口(即第一個英文字母)出閘位置集合，活動環境為室內範圍。本次活動限基本會員報名，收費方面會員每位$40。 有興趣嘅基本會員可以喺4月23日（星期二）下午3時至4月28日（星期日)下午3時，致電或whatapps報名熱線2760-1162報名 ，名額4個，每通電話可報1個人。如果參加者多過名額嘅話，活動就會進行抽籤，抽籤結果將會係4月29日(星期一)嘅熱線中公佈。 如有任何查詢，歡迎致電2760-0100與職員阿潮聯絡。
各位會員大家好！黎緊5月會有由康文署主辦，本會協辦嘅身心伸展訓練班，等大家可以學習運用不同嘅伸展同鬆馳技巧，同埋認識點樣放鬆肌肉同減低壓力，達致身心健康。 活動會喺2024年5月7、14、21及28號逢星期二舉行，活動時間係下午2點至4點，地點會喺何文田體育館。活動費用全免，歡迎本會嘅基本會員參加。參加者需要喺活動當日下午1點30分，喺何文田港鐵站A出口(即係第一個英文字母)近美心西餅位置集合。 有興趣嘅基本會員可以係4月23日(星期二)下午3點至4月30日(星期三)下午3點，致電或者WhatsApp報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係5月2日(星期四)嘅熱線中公佈。 如有任何查詢，歡迎致電2760-0100與職員阿彬聯絡。
日期 : 2024年4月26日(星期五) 時間﹕早上10點 至 11點 會議電話：30082775 會議編號：834 675 082# 或者致電服務中心電話27600100，由同事協助駁線參與。 如果用microsoft teams參與，可以點入下面連結： 參加連結 今次講座可以了解流行性感冒相關知識啊，有興趣而又未報名嘅朋友重可以報名架，歡迎致電或者WhatsApp27601162報名啦~ 如有任何查詢，歡迎致電2760 0100同職員善善聯絡。
以下係奧運千人傷健共融耆樂日 正選名單： 19 梁月晶 22 盧婉芳 黃群英 13 楊華戴 蕭麗萊 1 李寶運 李仕芬 18 陳佛帶 4 余正庭 17 李月明 袁建明 6 李携好 5 吳月華 16 黃民釗 陳玉清 15 李碧珊 9 余國安 14 張漢嵐 趙桂英 25 馮金光 姚芷欣 如有任何查詢，歡迎致電2760 0100與職員思韻聯絡。
以下係奧運千人傷健共融耆樂日 後備名單： 後備1，24 鍾漢麗 蔡經瑜 後備2，10 馮筱森 黎溢娥 後備3，11 郭艷清 後備4，23 王淑如 後備5，21 歐瑞琼 後備6，12 呂志鴻 後備7，3 郭啟峰 張小玲 後備8，8 趙雪芳 後備9，2 鄺閱滿 後備10，26 麥月萍 後備11，20 黃雪輝 區月梅 如有任何查詢，歡迎致電2760 0100與職員思韻聯絡。
奧運千人傷健共融耆樂日會係4月28日(星期日)舉行，活動時間為上午10點至下午1點，地點係位於將軍澳景林邨嘅香港正覺蓮社佛教黃藻森學校。請所有成功報名嘅參加者，準時係活動當日上午9點45分，係寶琳港鐵站B出口(第二個英文字母)出閘位集合，到時我地會先比大家自由參與唔同嘅活動同攤位，之後我地會係中午12點，一齊參加今次共融耆樂日嘅儀式，到咗下午1點左右，就會返去寶琳港鐵站解散。活動費用全免。 思韻當日嘅活動電話係6354 7383。如有任何查詢，歡迎致電2760 0100與職員思韻聯絡。
新界西形點遊尚餘少量名額，有興趣嘅新界西分區會員可以係4月24日(星期三)下午3點前，繼續打嚟或WhatsApp 2760 1162報名，而之前報咗名嘅會員已經全部自動成為正選，如果對報名狀況有任何疑問，可以致電服務中心查詢。 活動會係4月29日(星期一)舉行，參加者有兩個集合地點選擇，第一個係早上11點30分係美孚地鐵站月台，往荃灣方向嘅車尾位置集合 ，第二個係中午12點30分元朗港鐵站 A 出口 (第一個英文字母)出閘位集合，未講低邊到集合嘅朋友，可以打返嚟中心講比職員知邊到集合，順便講埋有啲咩想買。 當日活動，我地會先去位於元朗鳳琴街15-21號鴻運中心地下A1, 3-10及69-70號舖嘅御名園 (鴻運中心)個到進行點心放題飲茶，食飽之後就同大家行去元朗元龍街9號及朗日路8號嘅形點二期個到行下街，大家可以係義工嘅陪同下去shopping。大約下午4點，就會返去元朗港鐵站解散。收費方面，會員每位$105，同行者每位$176。 非會員每位$264。 善善當日嘅活動電話係5628 3308。如果有任何問題，歡迎致電2760 0100同職員善善聯絡。
仁濟醫院社會服務中心既小義工又黎同大家整甜品啦，今次係同大家整母親節玫瑰花蛋糕。 過去因為仁濟醫院社會服務中心有贊助既原因活動就唔洗收費，但由於佢地既贊助已經完結，黎緊將會需要收返大家費用既。 活動會係5月5日(星期日)上午10點半中午1點於天水圍天河路六號既仁濟醫院社會服務中心舉辦。參加者可以選擇早上9點10分係美孚月台往荃灣方向車頭位置集合或者早上10點係天水圍西鐵站B出口 (即係第2個英文字母) 出閘位集合，而活動完結後大約1點就會返天水圍港鐵站解散。 本活動只接受基本會員報名，費用每位$25。 有興趣嘅會員可於4月19日(星期五)下午3點至4月27日(星期六)下午3點，致電或whatsapp報名熱線27601162報名，每個電話可以報1個人，名額8個。如果報名人數多過名額，就會進行抽籤。抽籤結果會係4月29(星期一)熱線中公怖。如果有任何查詢，歡迎致電27600100同服務中心職員阿潮聯絡。
長者活動：觀塘區茶聚尚餘少量名額，歡迎60歲或以上，居住係觀塘區嘅老友記會員，一齊嚟飲茶，等思韻可以同大家傾下計，了解大家嘅近況。有興趣嘅老友記可以繼續打嚟2760 1162報名㗎！而之前報咗名嘅會員已經全部成為正選，如果對報名狀況有任何疑問，或者唔肯定自己係咪成功報名，都可以打返嚟服務中心查詢。 今次茶聚會分兩日同埋兩個地點進行，第一個茶聚日期係4月24日(星期三)，我地會去藍田啟田道50號啟田商場4樓407號舖瓏苑飲茶，參加者需要係活動當日上午9點45分，係藍田港鐵站A出口出閘位集合。 第二個茶聚日期係4月29日(星期一)，我地會觀塘秀茂坪秀明道101號秀茂坪商場2樓203號舖半島漁港飲茶，參加者需要係活動當日上午9點30分，係觀塘港鐵站A出口出閘位集合，到時會一齊搭11C巴士去秀茂坪，或者上午9點45分，係秀茂坪商場，中秀茂坪巴士總站集合。 收費方面，60歲或以上基本會員或贊助會員每位$45，同行者每位$85。請注意，每位參加者只可以報其中一日嘅茶聚。 思韻當日嘅活動電話係6354 7383。如果有任何問題，歡迎致電2760 0100同職員思韻聯絡。
新東圍方購物樂尚餘少量名額，有興趣嘅新東分區會員可以係4月24日(星期三)下午3點前，繼續打嚟2760 1162報名，而之前報咗名嘅會員已經全部自動成為正選，如果對報名狀況有任何疑問，可以致電服務中心查詢。 活動會係4月30日(星期二)舉行，參加者需要係活動當日上午10點，係大圍港鐵站A出口(第一個英文字母)出閘位集合，我地會先去位於大圍大圍道1-35號金山樓地舖至1樓明星海鮮燒鵝專門店個到飲茶，食飽飽之後就同大家行去大圍車公廟路18號嘅圍方個到行下街，大家可以係義工嘅陪同下去shopping。大約下午2點，就會返去大圍港鐵站解散。收費方面，會員每位$55，非會員每位$125，同行者每位$85。 思韻當日嘅活動電話係6354 7383。如果有任何問題，歡迎致電2760 0100同職員思韻聯絡。
大家好，今次我哋再次會同觀塘IVE嘅同學一齊舉辦一個屬於年青人嘅掟鏢認識觀塘社區嘅活動，希望透過今次嘅活動一齊學下點樣掟鏢，並透過掟鏢嘅過程，來認識觀塘社區，離一節觀塘社區嘅城市遊蹤。 未玩過飛鏢嘅都唔緊要，當日會有專人教導，學左之後就可以一齊去玩啦。 掟鏢之後，我哋會分組出外活動，城市遊蹤觀塘社區，無論認識觀塘社區與否，今次都係一個認識觀塘社區嘅好機會呀！ 活動詳情： 日期：2024年5月11日 （星期六）； 時間：下午1時至下午5時； 地點：觀塘職教中心及附近社區； 名額：10人，活動對象為15歲至25歲青年朋友，如報名人數超出名額將會以抽籤決定參加者。 費用全免； 報名方面可於即日至2024年5月3日或之前致電職教中心23372736報名。 如對活動有任何查詢可找Eddie或Tommy查詢。 希望活動當天見到大家，一齊識下新朋友啦！