今期共有8則新通告
今期沒有新通告
今期沒有新通告
各位九龍東分區會員朋友大家好！位於啟德嘅新購物中心AIRSIDE都開咗一段時間啦，唔知大家去咗個到行下未呢？今次就會同大家一齊去新蒲崗飲茶，同埋一齊去AIRSIDE個到行下街，睇下有咩買啦！ 活動會係4月22日(星期一)舉行，參加者需要係活動當日上午9:45，係啟德港鐵站b出口(第2個英文字母)出閘位集合，我地會先去位於新蒲崗寧遠街3-23號越秀廣場5樓 新光宴會廳 個到飲茶，食飽飽之後就同大家行去啟德協調道2號嘅Airside個到行下街，大家可以係義工嘅陪同下去shopping。大約下午2點，就會返去啟德港鐵站解散。收費方面，會員每位$60，非會員每位$150，同行者每位$100。 有興趣嘅九龍東分區會員可於4月9日(星期二)下午3點至4月16日(星期二)下午3點，用Whatsapp或致電報名熱線2760 1162報名，每個電話可以報2個人，名額40個。如果報名人數多過名額，就會進行抽籤。抽籤結果會係4月18日(星期四)的熱線中公佈。 另外，如果大家會搭巴士嘅話，都可以預先喺報名嗰陣講低你喺邊度上落車，方便我哋安排義工接送。 如果有任何查詢，歡迎致電2760 0100與職員iris聯絡。
各位新東分區會員朋友大家好！位於大圍嘅新購物中心圍方都開咗一段時間啦，唔知大家去咗個到行下未呢？今次就會同大家一齊去大圍飲茶，同埋一齊去圍方個到行下街，睇下有咩買啦！ 活動會係4月30日(星期二)舉行，參加者需要係活動當日上午10點，係大圍港鐵站A出口(第一個英文字母)出閘位集合，我地會先去位於大圍大圍道1-35號金山樓地舖至1樓明星海鮮燒鵝專門店個到飲茶，食飽飽之後就同大家行去大圍車公廟路18號嘅圍方個到行下街，大家可以係義工嘅陪同下去shopping。大約下午2點，就會返去大圍港鐵站解散。收費方面，會員每位$55，非會員每位$125，同行者每位$85。 有興趣嘅新東分區會員可於4月9日(星期二)下午3點至4月16日(星期二)下午3點，用Whatsapp或致電報名熱線2760 1162報名，每個電話可以報2個人，名額16個。如果報名人數多過名額，就會進行抽籤。抽籤結果會係4月18日(星期四)的熱線中公佈。 如果有任何查詢，歡迎致電2760 0100與職員思韻聯絡。
各位港島區會員朋友大家好！好似好耐都冇同大家去Shopping行下街買下野喇，今次我地首先去位於北角渣華道98號地下1&2號舖嘅功夫點心飲下茶食個包，醫飽個肚先。再同大家坐電車去到位於康山康山道2號康怡廣場南座嘅太古城吉之島買下野。大家可以諗定到時要買D咩，諗唔到都唔緊要，到時去睇下有咩啱就買D咩啦。 活動會喺4月30號(星期二)上午11點至下午大約4點舉行，參加者需要喺活動當日上午10點45分喺北角地鐵站A出口(即係第一個英文字母)出閘位集合，活動收費方面，會員每位$55，同行者每位$90，非會員每位$130。 有興趣嘅港島分區會員，可以喺4月9號(星期二)下午3點至4月16號(星期二)下午3點，致電或者WhatsApp報名熱線2760-1162報名，每通電話可以報2人，名額16個，如果報名人數多過名額，活動將會以抽籤形式進行，抽籤結果將於4月18號(星期四)熱線通告入面公佈。 如對活動有任何查詢，歡迎致電2760-0100與職員阿彬聯絡。
服務中心收到本地劇團「一條褲」送贈門票比照顧者，影片名稱《長夜守燈》關於臨終者同佢嘅照顧者，影片簡介會於通告尾段讀出，放影日期係4月20日星期六晚上7點半至10點3。參加者請於當日晚上6點45分到灣仔地鐵站A出口集合，我哋會一齊步行到香港藝術中心古天樂電影院，或者亦可以7點15分前自行到達香港藝術中心古天樂電影院。 因為今次放影不設口述影像，因此比較適合弱視或健視照顧者參與，門票總共9張，費用全免，有興趣嘅照顧者可於4月9日(星期二)下午3點至4月14日(星期日)下午3點，用Whatsapp或致電報名熱線2760 1162報名，每個電話可以報1個人，名額9個。如果報名人數多過名額，就會進行抽籤。抽籤結果會係4月15日(星期一)的熱線中公佈。 如果有任何查詢，歡迎致電2760 0100與職員iris聯絡。 一條褲製作《長夜守燈》簡介 《長夜守燈》講述年屆七十的蠟梅，天天晚上靜靜守護一盞孤燈，老伴心感奇怪，但也不便打擾，招來久未回家的女婿商討如何照顧蠟梅，但發現需要照顧的另有其人。 提及生死，我們每每將焦點放在臨終者身上，卻忽視了臨終照顧者的需要。當社區支援遠遠不足以滿足實際需求，重擔自然落在照顧者身上。面對至親患病，作為照顧者亦難免感到困窘、掙扎。一條褲製作盼能喚起社會對臨終照顧者的關注，並讓照顧者知道自己並不孤單。
各位會員朋友大家好！黎緊4月又有旅行喇！今次由康文署主辦、本會協辦嘅康文署之雲泉仙館素食之旅活動將會喺2024年4月28號(星期日)舉行。今次我地會去食齋同埋行河上鄉。活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，收費方面，會員每位$70，同行者每位$110，非會員每位$170。 我地會首先坐旅遊巴由黃大仙去到位於新界打鼓嶺坪洋村坪輋路大埔田村的雲泉仙館遊逛一下，之後會去雲泉素食家集合並用膳。大家可以留意下一則通告收聽午膳餐單。食完齋之後會同埋帶大家遠離石屎森林，去到郊外地區放鬆下，吸收下大自然新鮮嘅空氣。我地會去到河上鄉慢步欣賞下如世外桃園般嘅美麗風景，打下卡，休息下，散下步。最後我地會乘旅遊巴回黃大仙解散。 有興趣參加嘅會員，可以喺4月9日(星期二)下午3點至4月16日(星期二)下午3點致電或者Whatsapp到報名熱線2760-1162報名，每通電話可以報2人，名額32個，如果報名人數超過名額，活動會以抽籤形式進行，抽籤結果將會喺4月18日(星期四)嘅熱線通告入面公佈。 如有任何查詢，歡迎致電服務中心2760 0100同職員阿彬聯絡。
午膳餐單包括︰滑菇燴米線、雲泉粟米粥、鴻運乳豬件、竹笙如意翅、雲泉大拼盤、生菜網飽甫、豉椒炒田螺、椒鹽花枝片、竹笙扒四蔬、椒鹽豆腐、香脆炸春卷及素石斑。 如有任何查詢，歡迎致電服務中心2760 0100同職員阿彬聯絡。
流鼻水、喉嚨痛 ?以為只係簡單傷風感冒?可能其實係流行性感冒，如果想知道兩者分別又想知點預防的話，我地就不如聽下姑娘點講啦! 服務中心今次邀請到衛生署既姑娘同大家講下關於認識流行性感冒嘅知識 日期 : 2024年4月26日(星期五) 時間﹕早上10點 至 早上11點 活動會以Microsoft Teams網上會議的形式同大家講解，收費全免。有興趣報名的會員，可於 4月9日 (星期二) 下午3點起至4月21日(星期日) 下午3點， WhatsApps或者致電報名熱線2760 1162報名。活動當日用的會議電話及編號將於 4月22日(星期一)的通告內公佈，到時各位可以自行進入活動。如有任何查詢，歡迎致電27600100與職員善善聯絡。
唔知大家鍾唔鍾意唱k呢?服務中心屬下的卡啦OK組現正招收新組員，小組主要係唱流行曲為主，而每首歌曲不能超過五分鐘。參加者必須為本會的基本會員，小組聚會時間逢每月的第二、四個星期六下晝2點至5時，每年組費10元，組員必須出75%或以上的聚會才可享用小組福利。名額2個。有興趣參加小組的會員可於4月9日(星期二)下午3點至4月16日(星期二)下午3時 ，致電或WhatsApp報名熱線2760-1162報名，如報名人數多過名額，將會以抽籤形式抽出中籤者，抽籤結果將於4月18號(星期四)前收到電話通知，如有查詢，歡迎致電27600100與職員善善聯絡。