今期共有1則新通告
通告1：因應政府觀塘綜合發展項目的工程，由觀塘港鐵站D1出口前往職教中心途經道路受影響(2024年1月4日更新)
今期共有3則新通告
今期沒有新通告
今期沒有新通告
以下通告於2024年1月4日發出。各位會員，因應政府觀塘綜合發展項目工程的進度，由即日起，觀塘港鐵站D1出口附近的行人路將有更改，大家從觀塘港鐵站前往職教中心的路線將受影響。大家從觀塘港鐵站D1出口落樓梯，踩到引路徑之後，請沿引路徑直行，到達分叉口時，可選擇分叉口轉右，沿地盤圍板外的行人路的引路徑直行，接駁回福塘道斑馬線，過馬路後便可沿基督教家庭服務中心外牆路線前往職教中心。此外，大家仍然可繼續使用原本路線，在觀塘港鐵站D1出口落樓梯，踩到引路徑後，沿引路徑直行，到達分叉口繼續直行，經過紅色小巴站、臨時公廁，以及位於啟能綜合康復服務大樓外牆旁邊的工程車出入口，便可以一直步行到福塘道啟能綜合康復服務大樓外的行人路，接回基督教家庭服務中心外牆的引路徑。之後再沿著原本路徑步行便可到達職教中心。上述兩條路段都會經過工程車出入口，當有工程車出入時，行人路會被大閘欄住，需要等工程車完全進入地盤或完全離開地盤後，行人才可橫過工程車出入口，以保障行人安全。所以，大家經過有關路段時，請注意路段情況。如有任何查詢，請致電23390666與行政辦事處或23372736與職教中心同事聯絡。如行經工程路段時需要支援，亦可致電工程公司熱線60192790。
人本自立展覽係基督教香港信義會「人本自立‧拉闊耆蹟」計劃所舉辦既，計劃當中就包括樓梯機，陪診等服務去協助唔同人士係社區到自立生活，今次既展覽就會睇到佢地既成果，重有機會去了解下樓梯機、樂齡科技租用等等服務添。 而信義會為感謝參加者，更加準備左紀念品比大家。 今次活動就會係4月24日星期三，上午9點至下午2點半，首先我地上午9點正會係會九龍塘站C出口(即第3個英文字母)出閘位置集合，之後就會步行到位於九龍塘達之路78號既生產力大樓4樓會議廳到參觀展覽，大約12點半就會離開並前往 又一城既八月花酒樓飲茶，大約2點半就會帶大家返九龍塘站解散。收費方面，會員每位$60，非會員每位$150，同行者每位$100。 有興趣嘅會員可以喺4月2號(星期二)下午3點至4月9號(星期二)下午3點，致電或者WhatsApp到報名熱線2760 1162報名，每通電話可以報兩個人，名額16個，如果報名人數多過名額，活動就會進行抽籤，抽籤結果將會喺4月11號(星期四)熱線中公佈。 如對上述活動有任何查詢，請致電服務中心2760-0100與職員阿潮聯絡。
各位會員大家好，春天黎到喇，充滿朝氣嘅各位，郊野樂行又黎喇，雖然天氣熱左好多，但我相信無阻大家對行山嘅熱愛嘅。黎緊4-6月份我阿彬同思韻會繼續同大家一齊行山。今次我地兩個組別，輕鬆組同挑戰組，想挑戰自己嘅會員可以聽下一則通告，想輕鬆玩下嘅會員可以繼續留意以下資訊。今次都係會同大家去3個唔同嘅地方，分別係華山、起子灣及大老山。 活動日期喺4月20號、5月25號及6月22號 (逢星期六)舉行，活動時間係上午9點至大約下午2點。詳細嘅集合時間同地點會係抽籤後個別通知參加者。活動會收取參加者活動按金，每位50元，如參加者出席滿兩節或以上，將會退回按金。 請注意，今次活動走動時間較長，亦需要行樓梯及斜路，會員需考慮自己的能力及身體狀況是否合適才參加，而我地亦會係結果公佈後聯絡咁多位參加者，了解大家嘅健康狀況，有需要的話會邀請參加者試腳。 本次活動只限基本會員報名參加，有興趣嘅基本會員可以喺4月2號(星期二)下午3點至4月9號(星期二)下午3點，致電或者WhatsApp到報名熱線2760 1162報名，每通電話可以報一個人，名額12個，如果報名人數多過名額，活動就會進行抽籤，抽籤結果將會喺4月11號(星期四)熱線中公佈。 如果有任何問題，歡迎致電2760 0100同職員阿彬或者思韻聯絡。
各位會員大家好，郊野樂行又黎喇，我阿彬同思韻繼續同大家挑戰香港唔同嘅山。今次我地兩個組別，輕鬆組同挑戰組，想輕鬆玩下嘅會員可以聽翻上一則通告，想挑戰下自己嘅會員可以繼續留意以下資訊。今次都係會同大家去3個唔同嘅地方，分別係九龍坑山、釣魚翁及三支香。 活動日期喺4月22號、5月27號及6月24號 (逢星期一)舉行，活動時間係上午9點至大約下午2點。行山時間大約4小時。詳細嘅集合時間同地點會係抽籤後個別通知參加者。活動會收取參加者活動按金，每位50元，如參加者出席滿兩節或以上，將會退回按金。 請注意，今次活動走動時間較長，亦需要行樓梯及斜路，會員需考慮自己的能力及身體狀況是否合適才參加，而我地亦會係結果公佈後聯絡咁多位參加者，同埋會有個能力測試，了解大家嘅健康狀況。 本次活動只限基本會員報名參加，有興趣嘅基本會員可以喺4月2號(星期二)下午3點至4月9號(星期二)下午3點，致電或者WhatsApp到報名熱線2760 1162報名，每通電話可以報一個人，名額12個，如果報名人數多過名額，活動就會進行抽籤，抽籤結果將會喺4月11號(星期四)熱線中公佈。 如果有任何問題，歡迎致電2760 0100同職員阿彬或者思韻聯絡。