熱線通告

各位老友記會員大家好！視障長者會員人口普查2024問卷調查現正進行當中，因為我地人手有限，如果大家係60歲或以上嘅基本會員，依家誠意邀請大家係辦公時間主動致電服務中心完成問卷調查。你地嘅答案對我地制定長者服務十分重要，希望大家可以積極參與。 
  
嚟緊我地會開展返長者服務嘅工作，為咗更有效計劃嚟緊嘅服務，貼合同針對大家嘅需要，我地都想了解各位老友記會員依家嘅近況，包括身體、情緒、生活情況、日常支援等等。我地依家會同各位老友記進行一個問卷調查，訪問對象為60歲或以上嘅基本會員(即1964年或以前出生)。 
  
今次調查會以電話形式進行，由服務中心嘅同事同埋義工，係1月至3月期間打電話比咁多位老友記，做一份大約20至30分鐘嘅問卷。同事同義工會用2624 4565、2760 1951同2762 2006呢3個電話號致電比咁多位，而電話開頭會表明係協進會嘅同事或者義工身份。假如你地對來電有懷疑，可以致電服務中心核實同查詢。問卷唔會問到一D重要嘅個人資料，例如係身份證號碼，而收集咗嘅數據只會係協進會內部使用。 
  
如果對今次調查有任何查詢，歡迎致電服務中心2760 0100與職員思韻聯絡。

各位會員大家好，3月協進仔傾下計又黎傾社會上既熱門議題，今次會同大家傾嘅話題係女性主義。唔知大家有冇聽過呢，如果冇聽過就啱喇，可以入黎了解下，如果有聽過，又了唔了解其實女性主義有好多個派別呢。今次會同大家深入淺出咁傾下女性主義，同時大家都可以講下自己對此嘅睇法。 
  
活動會係3月19日(星期二)晚上6:00-7:30，網上活動的平台為Microsoft Teams。如果唔識上網或用智能電話的會員，大家都可以到時打電話參與。我地會在活動前再有溫馨提示及以連結方式傳送到大家的whatsapp。  
  
有興趣嘅會員可以係3月8日(星期五)下午3點至3月15日(星期五)下午3點致電或 whatsapp 報名熱線2760 1162報名。每通電話可報1個人，參加費用全免。    
  
如有任何疑問，歡迎致電2760 0100與職員阿潮或阿彬聯絡。

1-3月份生日會之同你一齊賀生日已經截止報名, 以下係正選名單 
23, 黃瑞蓮, 陳佩芬 
14, 盧海, 招愛貞 
5, 葉瑞蓮,  
24, 胡贊容,  
12, 招慧珍,  
8, 孫玉群, 李建華 
3, 葉明光, 鄭淑君 
20, 簡定強, 王炳輝 
2, 楊定雅,  
21, 何聰麗, 陳輝明 
7, 曾照容, 謝翠珍 
18, 程萬勝, 程燕麗 
11, 湯炳雄,  
10, 廖鳳珠, 楊衛卿 
6, 許文珠,  
1, 羅鳳玲,  
16, 林佩珍 
 
以下係後備名單 
後備1, 15, 張玉芳, 彭麗琼 
後備2, 9, 關佩思, 陳永威 
後備3, 19, 余成文,  
後備4, 4, 祝宗璧,  
後備5, 22, 葉雲龍, 劉景洪 
後備6, 17, 呂志鴻,  
 
 
正選名單嘅朋友，可以聽埋下個通告，揀食咩午餐。如對活動有任何查詢，歡迎致電2760-0100與職員思韻或者善善聯絡。

今次生日會去紅磡黃埔天地百寶坊第3期地下G27號舖素年素食餐廳用膳，以下係午餐選擇： 
A.金不換泰式香辣意粉 （可走辣/走五辛） 
B.不可能肉醬意大利粉 
C.生酮牛油果藍莓檸檬芥辣沙律 
D.混醬豆腐丼飯配純素餃子定食 
E.日式咖喱吉列豬扒定食 
F.蘇聯經典不可能芝士漢堡 
 
以下係餐飲 
京都宇治玄米茶（熱） 
斯里蘭卡伯爵茶（凍） 
 
參加者揀好食咩之後，請係3月12日(星期二)下午3點至3月15日(星期五)下午3點前打嚟服務中心2760-0100同職員講低你想食邊個餐及飲品。 
 
如對活動有任何查詢，歡迎致電2760-0100與職員思韻或者善善聯絡。

1-3月份生日會之同你一齊賀生日的舉行日期係3月27日(星期三)，集合時間係上午10點45分，集合地點係何文田地鐵站大堂A出口 (第一個英文字母)出閘位，然後步行前往服務中心。而識得嚟服務中心嘅朋友仔可以選擇早上11點前自行到達服務中心，我哋嘅生日PARTY會喺早上11點準時開始! 開完PARTY之後就會乘搭地鐵前往紅磡黃埔天地百寶坊第3期地下G27號舖素年素食餐廳用饍。活動大約會係下午2點30分，係黃埔地鐵站解散 。 
 
收費方面，會員每位$100，非會員每位$250，同行者每位$160。 
   
思韻當日嘅活動電話係6354 7383，善善嘅活動電話係5628 3308。 

如果有任何查詢，歡迎致電2760 0100同職員思韻或者善善聯絡。