熱線通告

由於翠屏邨爆街喉，職教中心於2024年3月6日開始暫停食水供應，直至完成維修為止。如有任何查詢，請致電23390666與行政辦事處，或23372736與職教中心同事聯絡。

新聲聞通系統已經於2024年1月中開放給會員試用，經過1個月試用後，新的聲聞通系統已於2024年3月1日正式取代舊有系統。而無障礙數碼科技中心亦已於2月22日的熱線通告向會員公佈，由2024年3月1日開始停用舊系統電話號碼，即34645050。
會員現時可以致電37074750並輸入6位數字會員號碼登入新系統收聽報紙，雜誌以及聲音雜誌。
如果各位使用上遇到任何問題，可於辦公時間內致電27095559與無障礙數碼科技中心職員查詢。

各位會員，本會於3月17日舉行全會退修日。因此，服務中心於當天不開放。此外，服務中心於3月15日及16日的開放時間改為上午9時至下午9時。敬請留意。

理工大學建築和房地產學系招募最多8名會員，參與一次性焦點小組訪談，旨在研究殘障人士日常出行的方式和模式。由於有12名會員報名，經抽籤後正選及後備名單如下﹕

正選參與名單﹕
1. 湯炳雄
2. 郭啟峰
3. 單永生
4. 陳鳳儀
5. 李攜好
6. 陳佩芬
7. 張小玲
8. 洪軒利

後備順序名單﹕
後備1. 黃詩聲
後備2. 甄寶基
後備3. 張雋傑
後備4. 劉逸媛

完成訪談的會員可獲贈50元超市禮券，小組詳情如下：
日期：2024年3月18日(星期一)
時間：晚上7時30至8時30分
地點：翠屏邨職教中心4號房

如有任何查詢，請致電23390666與行政辦事處同事Frankie聯絡。

各位會員大家好！服務中心嘅樂隊The Jumpers將會舉行年度音樂會，慶祝服務中心45週年之餘，亦都同咁多位會員一齊以歌會友。當日樂隊同埋會員歌手會為大家獻唱多首中西流行歌曲，有興趣嘅會員朋友就要留意啦： 
 
音樂會會係3月25日(星期一)舉行，時間係下午2點至5點，地點係何文田愛民邨社區會堂。活動費用全免，歡迎本會會員參加。活動當日入場時間係下午1點30分至2點，如果大家唔識嚟愛民會堂，都可以係當日下午1點15分，係何文田港鐵站A出口(近美心餅店位置)集合，到時由義工同大家一齊去愛民會堂參加音樂會。 
 
有興趣參加嘅會員朋友，可以係3月8日(星期五)下午3點，至3月15日(星期五)下午3點，用Whatsapp或致電報名熱線2760 1162報名，每通電話可以登記2個人。名額20個，如果報名人數多過名額，就會進行抽籤，抽籤結果會係3月18日(星期一)熱線通告公怖。 
 
如有任何查詢，歡迎致電服務中心2760 0100與職員思韻聯絡。

各位會員大家好，相信大家都聽咗上一條有關服務中心Jumpers 樂隊演出嘅通告啦!服務中心Jumpers樂隊有演出咁高興嘅事，大家又點可以錯過呢個欣賞樂隊表演嘅好機會呢! 所以當日我同善善就決定帶大家到場支持一下撐下場!喺去聽音樂會之前，我哋會先同大家去土瓜灣一間供應傳統中式小菜嘅社企餐廳- 
康姨小廚度食過早飯，然後再同大家一齊返嚟愛民邨嘅社區會堂欣賞Jumpers嘅精彩演出！ 
 
活動嘅日期係喺3月25日，我哋會喺當日早上11點15分於港鐵土瓜灣站C出口（第三個英文字母）集合，然後一齊步行去康姨小廚食午飯，食飽之後就一齊返嚟愛民邨睇Jumpers嘅演出。 
 
收費方面，會員每位$70，同行者每位$105，非會員每位$165。有興趣報名嘅會員可以喺3月8日(星期五)下午3時至3月15日(星期五)下午3時，致電或whatapps報名熱線2760-1162報名 ，名額20人，每通電話可報2個人。如果參加者多過名額嘅話，活動就會進行抽籤，抽籤結果將會喺3月18日(星期一)嘅熱線中公佈。如有任何查詢，歡迎致電2760-0100與職員ANNIE或者善善聯絡。

各位會員大家好，3月協進仔傾下計又黎傾社會上既熱門議題，今次會同大家傾嘅話題係女性主義。唔知大家有冇聽過呢，如果冇聽過就啱喇，可以入黎了解下，如果有聽過，又了唔了解其實女性主義有好多個派別呢。今次會同大家深入淺出咁傾下女性主義，同時大家都可以講下自己對此嘅睇法。 
  
活動會係3月19日(星期六)晚上6:00-7:30，網上活動的平台為Microsoft Teams。如果唔識上網或用智能電話的會員，大家都可以到時打電話參與。我地會在活動前再有溫馨提示及以連結方式傳送到大家的whatsapp。  
  
有興趣嘅會員可以係3月8日(星期五)下午3點至3月15日(星期五)下午3點致電或 whatsapp 報名熱線2760 1162報名。每通電話可報1個人，參加費用全免。    
  
如有任何疑問，歡迎致電2760 0100與職員阿潮或阿彬聯絡。

牙痛?痛到無心情食野? 可能已經患上蛀牙及牙周病啦，口腔嘅健康係好重要架，會影響著我地嘅日常運作。想知道如何護理同埋清潔牙齒 的話，我地聽下姑娘點講啦!  
 
服務中心今次邀請到衛生署既姑娘同大家講下關於口腔健康知識  
 
日期 : 2024年3月19日(星期二)  
 
時間﹕早上10:00 – 11:00  
活動會以Microsoft Teams網上會議的形式同大家講解，收費全免。有興趣報名的會員，可於 3月8日 (星期五) 下午3點起至3月17日(星期日) 下午3點， WhatsApps或者致電報名熱線2760 1162報名。活動當日用的會議電話及編號將於 3月18日(星期一)的通告內公佈，到時各位可以自行進入活動。如有任何查詢，歡迎致電27600100與職員善善聯絡。

曾肇添中學同樂日已經截止報名，已經報左名嘅會員已經自動成為正選

活動會係2024年3月16號(星期六) 上午10點至下午2點 舉行，活動當日我地會早上10點正係沙田港鐵站B出口(即第二個英文字母)出閘位置集合，之後就會步行去聖公會曾肇添中學參加活動，大約12點就會離開並前往沙田瀝源街7號沙田娛樂城4樓既富臨漁港飲茶，預計2點就會送大家返港鐵解散 。收費方面，會員每位$60元。

阿潮當日嘅活動電話係5421 5637 如對活動有任何查詢，歡迎致電2760-0100與職員阿潮聯絡。

以下係3月份聖約翰救傷隊義務牙科服務正選名單：
7	朱閩
6	杜秀珠
5	伍寶田
2	蘇群弟
10	梁育成
4	高廣富
 
以下係後備名單：
1	黃雪輝
3	李潔貞
9	袁佩瑩
11	霍惠娟
如有任何查詢，歡迎致電2760 0100同職員思韻聯絡。

4月份聖約翰救傷隊義務牙科服務無需要抽籤，所有報咗名嘅會員已經全部自動成為正選。以下會讀出正選名單：
 
8 王淑如
12 李惠蓮
 
如有任何查詢，歡迎致電2760 0100同職員思韻聯絡。

今次聖約翰救傷隊義務牙科服務有兩個應診時段：第一個應診日期係3月19日(星期二)，第一個應診日期係4月18日(星期四)，時間係晚上6點45分，地點係聖約翰診所。聖約翰診所地址為香港麥當勞道二號聖約翰大樓四樓。參加者可於金鐘港鐵站（B出口，即係第2個英文字母）乘搭城巴12A，於女青年會站落車，巴士站斜對面就係聖約翰大樓。
 
請所有成功報名嘅參加者，記得應診時帶備有效嘅會員證及身分證，並且準時到達聖約翰大樓接受牙科服務，聖約翰救傷隊有權拒絕遲到者應診。如果發現唔見咗會員證，可以致電行政辦事處，電話係2339 0666，安排補領返張會員證。
 
為減低2019冠狀病毒病傳播的風險，牙科總區現時會為到訪者人士量度體溫。牙科總區可拒絕不肯接受體溫檢測或體溫高於攝氏37.5度的人士進入。
 
如有任何查詢，歡迎致電2760 0100同職員思韻聯絡。

無障礙數碼科技中心

今期沒有新通告

各位會員大家好，賽馬會開聲體將於3月28日舉行欖球初體驗，一年一度嘅國際七人欖球賽喺4月5至7日於香港大球場上演，喺睇欖球比賽之前就同大家嚟個欖球初體驗，認識一下咩係欖球，今次非常榮幸邀請到雞糊欖球隊嘅隊員為大家介紹欖球嘅規則、玩欖球需要嘅裝備、球場嘅大小、比賽時使用欖球嘅規格、更可以喺欖球場上試玩一番，咁難得嘅機會大家唔好錯過喇!
另外，凡出席參加欖球初體驗呢個活動嘅朋友，更可以優先參加4月6日及7日(星期六及日)舉行嘅活動，同我地開聲體一齊入場睇七欖，詳情可收聽下星期嘅通告。
 
活動日期:3月28日(星期四)
集合時間及地點:晚上七點十分於銅鑼灣港鐵站A出口(第一個英文字母)大堂集合，活動大約晚上九點半返番嚟港鐵站解散，
名額:12個，會員可帶同一位同行者參加，如報名人數超出名額，將會進行抽簽，
費用全免，有興趣嘅會員可於3月19日或之前致電36151045報名，抽簽結果會於3月21日熱線中公佈。

感謝大家報名參加賽馬會開聲體於3月14日舉行嘅帆船初體驗，以下係抽簽結果:
1.馬詠文，2. 朱閔，3. 陳漢明(北角)，4. 王寶玲，5. 何灝源，6. 梅玉蓮，
後備名單如下:
後備1. 湯炳雄，後備2。 洪軒利，後備3. 任博輝，後備4。方偉倫，
後備嘅朋友都唔洗失望，我地嚟緊會舉辦第二次嘅體驗，到時你地會自動成為正選，密切留意開聲體逢星期四嘅最新通告喇!
請各參加者於3月14日(星期四)下午一點十五分喺會展港鐵站A出口(第一個英文字母)大堂集合，然後一齊行去香港遊艇會，大約下午五點返番港鐵站解散，
如活動當日需要聯絡開聲體職員，或對活動有任何查詢，歡迎致電36151045

3月8日（星期五）早上八點十分，Hoy TV（77台）將會直播阿根廷甲組聯賽盃 - 紐維爾舊生 對 堤格雷；
3月9日（星期六）早上十一點，Viu TV（99台）將會直播NBA 常規賽- 密爾沃基公鹿 對 洛杉磯湖人；
3月9日（星期六）下午一點，Viu TV（96台）將會播放NHL 國家冰球聯盟 2023/24- 水牛城軍刀 對 多倫多楓葉；
3月9日（星期六）下午兩點五十五分，無線財經體育資訊台（85台）將會直播足總盃2023/2024 -傑志 對 港會；
3月9日（星期六）下午六點四十分，無線財經體育資訊台（85台）將會直播澳洲職業足球聯賽2023/2024 - 珀斯光輝 對 紐卡素噴射機；
3月10日（星期日）凌晨一點三十分，Viu TV（96台）將會直播西班牙甲組足球聯賽 -格拉納達 對 皇家蘇斯達；
3月10日（星期日）早上六點十分，Hoy TV（77台）將會直播阿根廷甲組聯賽盃 - 獨立隊 對 河床；
3月10日（星期日）下午五點五十分，港台電視（32台）將會直播香港超級足球聯賽-东方 對 冠忠南区；
3月12日（星期二）早上八點十分，香港國際財經台（76台）將會直播阿根廷甲組聯賽盃-班菲特 對 沙士菲；
3月12日（星期二）下午五點五十五分，香港國際財經台（76台）將會直播亞洲聯賽冠軍盃半準決賽次回合-蔚山現代 對 全北汽車；